{"id":70,"date":"2015-07-15T11:25:17","date_gmt":"2015-07-15T11:25:17","guid":{"rendered":"http:\/\/fml.al\/?p=70"},"modified":"2015-07-15T11:25:17","modified_gmt":"2015-07-15T11:25:17","slug":"nje-revolte-ne-emer-te-maries-se-vrare-per-gjakmarrje","status":"publish","type":"post","link":"http:\/\/fml.al\/index.php\/2015\/07\/15\/nje-revolte-ne-emer-te-maries-se-vrare-per-gjakmarrje\/","title":{"rendered":"Nj\u00eb revolt\u00eb n\u00eb em\u00ebr t\u00eb Maries s\u00eb vrar\u00eb p\u00ebr gjakmarrje"},"content":{"rendered":"

\"foto<\/a>Forumi i Mendimit t\u00eb Lir\u00eb organizoi tubime proteste n\u00eb Tiran\u00eb dhe Shkod\u00ebr kund\u00ebr vrasjes s\u00eb 14 vjecares Marie Cuku. Fjala e drejtuesit t\u00eb Forumit t\u00eb Mendimit t\u00eb Lir\u00eb n\u00eb tubimin e Tiran\u00ebs, ku mori pjes\u00eb edhe ambasadori i SHBA Aleksand\u00ebr Arvizu<\/p>\n

 <\/p>\n

Krimi i p\u00ebrbindsh\u00ebm mesjetar e sfidoi s\u00ebrish shtetin, duke i prer\u00eb jet\u00ebn n\u00eb mes nj\u00eb f\u00ebmije, nj\u00eb vajze mbi t\u00eb gjitha. Marie Cuku, nuk ishte duke pushuar si shum\u00eb shoqe t\u00eb saj, q\u00eb sapo kan\u00eb mbaruar shkoll\u00ebn. Ajo ishte duke punuar tok\u00ebn, bashk\u00eb me gjyshin e saj. Por edhe k\u00ebtu nuk e lan\u00eb. Ajo u vra dhe sot nuk \u00ebsht\u00eb m\u00eb mes t\u00eb gjall\u00ebve. Policia nuk e pati t\u00eb v\u00ebshtir\u00eb t\u00eb gjej\u00eb shkaqet e vrasjes s\u00eb nj\u00eb njeriu q\u00eb nuk i kishte b\u00ebr\u00eb askujt keq n\u00eb jet\u00ebn e saj fare t\u00eb shkurt\u00ebr. Ishte gjaksi!<\/p>\n

Mesjeta na tregoi se nuk \u00ebsht\u00eb larguar ende nga mesi jon\u00eb, tregoi se \u00ebsht\u00eb ende k\u00ebtu dhe e fort\u00eb, duke mbjell\u00eb viktima krejt\u00ebsisht t\u00eb pafajshme. Mesjeta tregoi se \u00ebsht\u00eb kaq e p\u00ebrbindshme sa nuk pyet as p\u00ebr ligjet dhe rregullat e saj t\u00eb cilat e ndalonin vrasjen e nj\u00eb f\u00ebmije, e aq m\u00eb tep\u00ebr t\u00eb nj\u00eb vazje. Por mbi t\u00eb gjitha, mesjeta tregoi se \u00ebsht\u00eb me e fort\u00eb se shteti, \u00ebsht\u00eb m\u00eb e fort\u00eb se ne t\u00eb gjith\u00eb. Vrasja e Maries dhe gjyshit t\u00eb saj nuk duhet t\u00eb trondis\u00eb vet\u00ebm familjen Cuku n\u00eb Dukagjin, por duhet t\u00eb trondis\u00eb \u00e7do familje shqiptari. Por, s\u00eb pari ajo duhet t\u00eb trondis\u00eb shtetin, qeverin\u00eb, drejt\u00ebsin\u00eb, parlamentin….<\/p>\n

\"foto<\/a>Ajo duhet t\u00eb trondis\u00eb dhe t\u00eb shkund\u00eb fort indiferenc\u00ebn e t\u00ebr\u00eb neve, shoq\u00ebris\u00eb civile dhe medias.<\/p>\n

Shqip\u00ebria \u00ebsht\u00eb sot n\u00eb p\u00ebrpjekjet e saj finale p\u00ebr t\u00eb marr\u00eb statusin e vendit kandidat p\u00ebr n\u00eb BE. Asaj i duhet t\u00eb plot\u00ebsoj\u00eb 12 kushte q\u00eb i ka v\u00ebn\u00eb Bruskeli. Diplomacis\u00eb nd\u00ebrkomb\u00ebtare i ra bretku duke rendur nga nj\u00ebra seli partie tek tjetra, p\u00ebr t\u00eb k\u00ebrkuar konsensus e paqe, n\u00eb m\u00ebnyr\u00eb q\u00eb t\u00eb realizohen kriteret dhe Shqip\u00ebria ta marr\u00eb statusin. Shqip\u00ebria do t\u00eb jet\u00eb vend kandidat p\u00ebr n\u00eb BE. Po \u00e7\u2019dreq kandidati do t\u00eb jet\u00eb ky vend, kur ende vriten njer\u00ebz krejt pa faj, kur ende vriten njer\u00ebz p\u00ebr t\u00eb paguar nj\u00eb krim q\u00eb as e kan\u00eb b\u00ebr\u00eb dhe as q\u00eb kan\u00eb lidhje? \u00c7\u2019dreq kandidati do t\u00eb jet\u00eb ky vend kur ende ka njer\u00ebz q\u00eb q\u00ebndrojn\u00eb n\u00eb arrest sht\u00ebpie pa vendim gjykate(t\u00eb ngujuar), sepse k\u00ebrc\u00ebnohen me vrasje nga gjaksi? C\u2019dreq kandidati do t\u00eb jet\u00eb Shqip\u00ebria, kur nj\u00eb ligj mesjetar \u00ebsht\u00eb m\u00eb i fort\u00eb se Kodi Penal?<\/p>\n

Forumi i Mendimit t\u00eb Lir\u00eb, si organizat\u00eb q\u00eb ka studiuar dhe dokumentuar familjat e ngujuara, shpreh indinjat\u00ebn m\u00eb t\u00eb thell\u00eb p\u00ebr k\u00ebt\u00eb krim t\u00eb tmerrsh\u00ebm dhe, pa asnj\u00eb ngurrim, ngre dor\u00ebn dhe tregon me gisht si vras\u00ebs, jo gjaksin q\u00eb fshihet pas ferrave si burracak, por shtetin q\u00eb vazhdon t\u00eb hesht\u00eb p\u00ebrball\u00eb k\u00ebsaj maskarade. Forumi i Mendimit t\u00eb Lir\u00eb tregon me gisht si vras\u00ebs drejt\u00ebsin\u00eb, e cila ende dhe sot nuk ka hapur as edhe nj\u00eb proces hetimor ndaj atyre q\u00eb i detyrojn\u00eb t\u00eb tjer\u00ebt t\u00eb ngujohen, edhe pse kjo p\u00ebrb\u00ebn vep\u00ebr penale dhe nd\u00ebshkohet si krim.<\/p>\n

Ne \u00e7mojm\u00eb dhe vler\u00ebsojm\u00eb angazhimin e shtetit, institucioneve dhe zyrtar\u00ebve t\u00eb lart\u00eb dit\u00ebn kur nga nj\u00eb aksident fatal humb\u00ebn jet\u00ebn 10 vajza, thuajse bashk\u00ebmoshatare t\u00eb Maries. Por sot askush nuk shkoi ta p\u00ebrcillte Marien, e cila nuk iku nga kjo bot\u00eb as nga nj\u00eb aksidet, as nga ndonj\u00eb s\u00ebmundje. Ajo u vra n\u00eb mes t\u00eb ar\u00ebs duke punuar p\u00ebr buk\u00ebn e goj\u00ebs p\u00ebr t\u00eb paguar krimin e gjakmarrjes.<\/p>\n

Forumi i Mendimti t\u00eb Lir\u00eb u b\u00ebn thirrje t\u00eb gjitha organizatave p\u00ebr t\u00eb drejtat e njeriut, Avokatit t\u00eb Popullit, shoq\u00ebris\u00eb n\u00eb t\u00ebr\u00ebsi, medias dhe \u00e7do njeriu t\u00eb p\u00ebrgjegjsh\u00ebm q\u00eb t\u00eb ngrejn\u00eb z\u00ebrin kund\u00ebr k\u00ebtij k\u00ebtij fenomeni, q\u00eb t\u00eb ngrejn\u00eb z\u00ebrin p\u00ebr t\u00eb nxjerr\u00eb nga burgu ata qindra burra e f\u00ebmij\u00eb q\u00eb q\u00ebndrojn\u00eb t\u00eb ngujuar prej vitesh.<\/strong><\/p>\n

Ne duhet t\u00eb ngrejm\u00eb z\u00ebrin fort p\u00ebr ata burra q\u00eb nuk shkojn\u00eb dot n\u00eb pun\u00eb, sepse duhet t\u00eb q\u00ebndrojn\u00eb t\u00eb ngujuar n\u00ebn k\u00ebrc\u00ebnimin e gjaksit.<\/p>\n

Ne duhet t\u00eb ngrejm\u00eb z\u00ebrin p\u00ebr ata f\u00ebmij\u00eb q\u00eb nuk shkojn\u00eb dot n\u00eb shkoll\u00eb sepse duhet t\u00eb q\u00ebndrojn\u00eb t\u00eb ngujuar.<\/p>\n

Ne duhet t\u00eb ngrejm\u00eb z\u00ebrin kund\u00ebr heshtjes s\u00eb shtetit, i cili ka vendosur t\u00eb mbyll\u00eb, sy, vesh\u00eb dhe goj\u00eb, p\u00ebr t\u00eb treguar se gjakmarrja nuk ekziston, p\u00ebr t\u00eb treguar se n\u00eb jemi nj\u00eb vend modern dhe europian.<\/p>\n

Maria sot nuk \u00ebsht\u00eb thjesht\u00eb nj\u00eb vajz\u00eb nuk jeton, ajo \u00ebsht\u00eb simboli i sh\u00ebmtis\u00eb son\u00eb t\u00eb p\u00ebrbashk\u00ebt, \u00ebsht\u00eb simboli i shtetit q\u00eb nuk ekziston, \u00ebsht\u00eb simboli i shoq\u00ebris\u00eb q\u00eb struket n\u00eb heshtjen dhe rehatin\u00eb e saj. Vajtimi i prind\u00ebrve t\u00eb Maries \u00ebsht\u00eb sot nj\u00eb klithm\u00eb q\u00eb nuk duhet l\u00ebn\u00eb t\u00eb shuhet, por duhet shnd\u00ebrruar n\u00eb himn p\u00ebr k\u00ebrkimin e drejt\u00ebsis\u00eb. Ajo \u00ebsht\u00eb nj\u00eb motiv q\u00eb duhet t\u00eb na b\u00ebj\u00eb t\u00eb gjith\u00ebve t\u00eb p\u00ebrgjegjsh\u00ebm, p\u00ebr t\u00eb dal\u00eb n\u00eb rrug\u00eb e p\u00ebr t\u00eb protestuar, jo m\u00eb n\u00eb em\u00ebr t\u00eb politik\u00ebs, por n\u00eb em\u00ebr t\u00eb jet\u00ebs. <\/strong><\/p>\n

Share<\/a><\/div>