{"id":90,"date":"2015-07-15T10:54:11","date_gmt":"2015-07-15T10:54:11","guid":{"rendered":"http:\/\/fml.al\/?p=90"},"modified":"2015-07-15T11:56:43","modified_gmt":"2015-07-15T11:56:43","slug":"drejtesia-reforme-kunder-sistemit-mafiozo-politik","status":"publish","type":"post","link":"http:\/\/fml.al\/index.php\/2015\/07\/15\/drejtesia-reforme-kunder-sistemit-mafiozo-politik\/","title":{"rendered":"Drejt\u00ebsia, reform\u00eb kund\u00ebr sistemit mafiozo-politik"},"content":{"rendered":"

\"mentor-kekia2\"<\/a>Nga – Mentor Kikia<\/strong><\/p>\n

Plaga \u00ebsht\u00eb mahisur keq dhe t\u00eb gjith\u00eb jan\u00eb duke e v\u00ebn\u00eb gishtin fort mbi t\u00eb. Drejt\u00ebsia \u00ebsht\u00eb b\u00ebr\u00eb kryefjala e gjith\u00eb\u00e7kaje sot. Sistemi sot \u00ebsht\u00eb i kalb\u00ebzyer nga korrupsioni dhe p\u00ebr pasoj\u00eb \u00ebsht\u00eb fajtor edhe p\u00ebr kalb\u00ebzimin e mekanizmave t\u00eb tjer\u00eb t\u00eb shtetit dhe pushtetit, po nga korrupsioni. Askush nuk i di p\u00ebrmasat reale t\u00eb t\u00eb paligjshmes, por ajo na p\u00ebrplaset n\u00eb syrrat t\u00eb t\u00ebr\u00ebve kur shikojm\u00eb sesi asnj\u00eb zyrtar i lart\u00eb nuk \u00ebsht\u00eb nd\u00ebshkuar p\u00ebr korrupsion. P\u00ebrjashtuar ndonj\u00eb kryetar komune t\u00eb kamur e t\u00eb kapur rast\u00ebsisht, i cili i shkon n\u00eb dor\u00eb gjykat\u00ebsit mu si ndonj\u00eb llotari milionere, t\u00eb tjer\u00ebt b\u00ebhen gjithnj\u00eb e m\u00eb imun\u00eb sa m\u00eb shum\u00eb imuniteti hiqet ligj\u00ebrisht. Paligjshm\u00ebria na p\u00ebrplaste n\u00eb fytyr\u00eb edhe kur ndodh ndonj\u00eb krim i r\u00ebnd\u00eb dhe at\u00ebher\u00eb ne mesojm\u00eb se krimineli kishte qen\u00eb arrestuar edhe p\u00ebr vrasje, edhe p\u00ebr trafik, edhe p\u00ebr grabitje por e kan\u00eb liruar sa her\u00eb u ka shkuar n\u00eb der\u00eb. K\u00ebtu nuk do t\u00eb b\u00ebjm\u00eb asnj\u00eb p\u00ebrpjekje p\u00ebr t\u00eb sjell\u00eb d\u00ebshmi t\u00eb degradimit t\u00eb k\u00ebtij pushteti pasi \u00ebsht\u00eb nj\u00eb pun\u00eb tashm\u00eb e konsumuar, por t\u00eb alarmit q\u00eb tashm\u00eb po bie n\u00eb t\u00eb gjitha drejtimet dhe nj\u00eb lloj \u201cdembelizmi\u201d t\u00eb paprecedent\u00eb t\u00eb ligjv\u00ebn\u00ebsve tan\u00eb p\u00ebr tu marr\u00eb me k\u00ebt\u00eb c\u00ebshtje, pra me reformimin e sistemit t\u00eb drejt\u00ebsis\u00eb.
\nE nisur me shum\u00eb buj\u00eb, zgjedhjet vendore e larguan disi v\u00ebmendjen prej saj. Ekspert\u00ebt jan\u00eb duke organizuar nj\u00eb tur konsultimesh p\u00ebr reform\u00ebn kryesisht n\u00eb qytet universitare, ku m\u00eb shum\u00eb kujdesen p\u00ebr t\u00eb ftuar ambasador\u00ebt t\u00eb cil\u00ebt p\u00ebrs\u00ebrisn deklaratat e tyre p\u00ebr shkall\u00ebn e lart\u00eb t\u00eb korrupsionit n\u00eb drejt\u00ebsi dhe nevoj\u00ebn e hartimit t\u00eb reform\u00ebs.
\nDuket sikur m\u00eb shum\u00eb se nj\u00eb nevoj\u00eb e jona, reformimi po merr natyr\u00ebn e nj\u00eb detyrimi q\u00eb duhet p\u00ebrmbushur p\u00ebr shkak t\u00eb k\u00ebrkesave q\u00eb vijn\u00eb nga BE. Megjithat\u00eb k\u00ebto k\u00ebkresa duhen p\u00ebrsh\u00ebndetur pasi duket se jan\u00eb nj\u00eb shtys\u00eb e fort\u00eb. Kancelarja gjermane e theksoi fuqish\u00ebm se refomra n\u00eb drejt\u00ebsi \u00ebsht\u00eb nj\u00eb nga kushtet m\u00eb t\u00eb forta p\u00ebr vazhdimesin\u00eb e procesit t\u00eb integrimit. Ambasadorja Vlahutin, duket se ishte shum\u00eb e d\u00ebshiruar t\u00eb d\u00ebgjonte p\u00ebr reform\u00ebn n\u00eb drejt\u00ebsi, saq\u00eb nxitoi t\u00eb uronte opozit\u00ebn dit\u00ebn e enjte vet\u00ebm pse deklaroi n\u00eb parlament gatishm\u00ebrin\u00eb p\u00ebr tiu bashkuar reform\u00ebs, edhe pse pal\u00ebt nuk u mor\u00ebn vesh p\u00ebr asgj\u00eb. Megjithat\u00eb kryeministri Rama ka siguruar se reforma do t\u00eb jet\u00eb gati n\u00eb vjeshte.
\nPor \u00e7far\u00eb do t\u00eb sjell\u00eb reforma? Ajo do t\u00eb jet\u00eb nj\u00eb paket\u00eb ligjore q\u00eb do t\u00eb ndryshoj\u00eb shum\u00eb praktika q\u00eb lidhen me em\u00ebrimin e gjyqtar\u00ebve e prokuror\u00ebve, kontrollin e tyre dhe funksionimin e KLD-s\u00eb si institucioni \u201cqeveris\u00ebs\u201d i drejt\u00ebsis\u00eb. Opozita k\u00ebt\u00eb e ka cil\u00ebsuar si p\u00ebrpjekje p\u00ebr t\u00eb marr\u00eb kontrollin mbi sistemin e drejt\u00ebsis\u00eb nga mazhoranca. Frika e opozit\u00ebs nuk \u00ebsht\u00eb e pabaz\u00eb, pasi t\u00eb gjitha partit\u00eb q\u00eb kan\u00eb marr\u00eb pushtetit kan\u00eb b\u00ebr\u00eb \u201creformimin\u201d e drejt\u00ebsis\u00eb i cili gjithmon\u00eb ka n\u00ebnkuptuar v\u00ebnien e tij n\u00ebn kontoll. Por opozita gjeti si rrug\u00eb t\u00eb mos merrte pjes\u00eb fare n\u00eb komision p\u00ebr k\u00ebt\u00eb arsye. N\u00eb p\u00ebrgjithsi reforma, n\u00eb \u00e7do sektor, ka n\u00ebnkuptuar thjesht\u00eb nd\u00ebrrimin e drejtuesve, por n\u00eb drejt\u00ebsi kjo ka qen\u00eb m\u00eb e dukshme dhe me pasoja m\u00eb dramatike, pasi aty gjejn\u00eb prehje pastaj zyrtar\u00ebt e korruptuar t\u00eb cil\u00ebt kur i akuzon, e kan\u00eb n\u00eb maj\u00eb t\u00eb gjuh\u00ebs p\u00ebrgjigjen: Po pate fakte, shko n\u00eb prokurori.
\nN\u00eb t\u00eb tilla kushte, kur drejt\u00ebsia realisht \u00ebsht\u00eb duke mbajtur peng vendin, duke qen\u00eb p\u00ebrgjegj\u00ebse mbi t\u00eb gjitha p\u00ebr mos nd\u00ebshkimin e korrupsionit n\u00eb t\u00eb gjitha nivelet, reforma nuk duhet t\u00eb jet\u00eb nj\u00eb ligj apo nj\u00eb paket\u00eb ligjesh q\u00eb t\u00eb siguroj\u00eb thjesht\u00eb ndryshimin e form\u00ebs s\u00eb struktur\u00ebs s\u00eb drejt\u00ebsis\u00eb. Reforma duket t\u00eb ket\u00eb si q\u00ebllim par\u00ebsor jo shkarkimin e disa njer\u00ebzve me t\u00eb cil\u00ebt qeveria nuk merret vesh, por shkat\u00ebrrimin e ca mekanizmave q\u00eb jan\u00eb krijuar brenda struktur\u00ebs prokurori-gjykat\u00eb-avokati. Vet\u00ebm nd\u00ebrtimi dhe m\u00ebnyra se si funksionon sh\u00ebrbimi i avokatis\u00eb krijon hap\u00ebsira p\u00ebr abuzime t\u00eb paprecedenta me drejt\u00ebsin\u00eb, duke prodhuar edhe raste si ai i Dritan Dajtit q\u00eb mbajti peng 5 vjet gjyqin e tij, derisa nj\u00eb gjykat\u00ebs i shkall\u00ebs s\u00eb par\u00eb e d\u00ebnoi me kok\u00ebfort\u00ebsi, e Apeli nuk voni t\u00eb rikthej\u00eb c\u00ebshtjen p\u00ebr shkelje ligjore, pasi i pandehuri nuk mund t\u00eb d\u00ebnohej pa u mbrojtur. Ose gjyqi i nj\u00eb d\u00ebshmie trash\u00ebgimie n\u00eb Tiran\u00eb, q\u00eb k\u00ebt\u00eb Dhjetor mbush 5 vjet q\u00eb zhvarritet nga gjykata n\u00eb gjykat\u00eb.
\nKorrupsioni brenda k\u00ebtyre strukturave nuk \u00ebsht\u00eb m\u00eb thjesht\u00eb korrupsion, por ka marr\u00eb trajt\u00ebn e nj\u00eb organizate kriminale brenda shtetit. Dhe kjo organizat\u00eb, \u00ebsht\u00eb lidhur me politik\u00ebn dhe biznesin duke formuar nj\u00eb aliazh mafioz t\u00eb padep\u00ebrtuesh\u00ebm. Nuk b\u00ebjm\u00eb asnj\u00eb teprim k\u00ebtu. Jemi para nj\u00eb rrethi t\u00eb mbyllur. Biznesi dhe politika jan\u00eb b\u00ebr\u00eb thuajse nj\u00eb ose funksionojn\u00eb si t\u00eb till\u00eb, nd\u00ebrsa drejt\u00ebsia e korruptuar p\u00ebrdoret p\u00ebr t\u00eb mbrojtur ata q\u00eb \u201cduhet\u201d dhe p\u00ebr t\u00eb shkat\u00ebrruar ata q\u00eb nuk \u201cduhen\u201d.
\nPrandaj reforma duhet t\u00eb prodhoj\u00eb mekanizma p\u00ebrmes t\u00eb cil\u00ebve t\u00eb b\u00ebhet p\u00ebrzgjedhja e njer\u00ebzve q\u00eb do t\u00eb punojn\u00eb n\u00eb drejt\u00ebsi. Jo thjesht\u00eb mbi baz\u00ebn e mesatares dhe akoma m\u00eb keq, mbi baz\u00ebn e lidhjeve me politik\u00ebn apo paran\u00eb. Por p\u00ebrvecse t\u00eb aft\u00eb, t\u00eb jen\u00eb edhe njer\u00ebz me integritet, kuraj\u00eb e guxim p\u00ebr tu p\u00ebrballur krimin. Reforma duhet t\u00eb prodhoj\u00eb mekanizma t\u00eb nd\u00ebshkimit t\u00eb shpejt\u00eb dher efikas t\u00eb korrupsionit brenda radh\u00ebve t\u00eb drejt\u00ebsi.
\nShoq\u00ebria jon\u00eb nuk vuan nga skamja aq sa vuan nga mungesa e shpres\u00ebs dhe mungesa e shpres\u00ebs buron m\u00eb s\u00eb shumti nga fakti se ne p\u00ebrballemi me korrupsionin dhe padrejt\u00ebsin\u00eb n\u00eb cdo hap q\u00eb b\u00ebjm\u00eb dhe cdo nevoj\u00eb q\u00eb kemi. Ndaj reforma nuk duhet t\u00eb sh\u00ebnoj\u00eb si arritje heqjen e Gjin\u00ebve t\u00eb PD-s\u00eb dhe vendosjen e Gjin\u00ebve t\u00eb PS-s\u00eb, por shkat\u00ebrrimin e sistemit mafiozo-politik q\u00eb kontrollon drejt\u00ebsin\u00eb.<\/p>\n

Botuar na Gezeta Shqiptare<\/p>\n

Share<\/a><\/div>