Në Osum, duke mbledhur rroba nëpër lumë…
Këtë fundjavë ishim në Poliçan, me vullnetarët e mjedisit. Në vijim të rrjedhës së lumit Osum, ndaluam në fshatin Mbrakull. Pastruam përgjatë brigjeve degët e pemëve e shkurreve që ishin veshur me qese e rraqe të ndryshme, që dukeshin si litarë që kishin lidhur pemët prej qafe. Por ajo që na habiti të gjithëve ishte shtrati i lumit, i mbushur me goma makinash dhe një mori pirgjesh me rroba të vjetra. Të mbushur me baltë, ato kishin mbetur në zall, pas shterimit të ujit, si trupa të mbyturish. Ç’dreqin vallë jemi që edhe rrobat e vjetra, që ka një mijë mënyra për ti asgjësuar, i hedhim pikërisht në lumë.
PER FOTO KLIKONI: KETU
Ishte një punë e vështirë të ngarkoje në thasë e ti transportoje në kurriz për ti nxjerrë në breg, për shkak të peshës së tyre bashkë me baltën. Por ajo që na mundoi është heshtja e institucioneve. A mundet vallë të zbulohet se kush i ka hedhur? Nuk është e lehtë, por as e pamundur. problem është se askush nuk ka marrë mundimin që këtë ndotje, që është krim mjedisor, ta hetojë.
Ne falenderojmë TAP-in që ishte edhe kësaj radhe me ne, duke na mbështetur, për ti hequr sadopak rraqe lumejve dhe pemëve nga shpina.
Related articles
More in this category
-
Mentor Kikia——- Mjafton ta lexosh me vëmendje letrën, që deputeti Spartak Braho, në cilësinë e kryetarit të komisonit parlamentar për sigurinë kombëtare, u ka dërguar krerëve më të lartë të...
