Plazhet po pastrohen! Pushues, ruajini kështu, hidhini mbeturinat në kosha! (FOTO)
Plazhi i Shëngjinit është pastruar tashmë në gjithë gjatësinë e tij. Jo thjeshtë pastruar, por është krehur me krëhër duke hequr çdo mbeturinë nga siperfaqja.
Dhjetëra vullnetarë, të rinj dhe intelektualë, anëtarë të Korpusit te Vullnetareve, punuan të djelën në këtë zonë turistike, duke filluar një fushatë që do të zgjasë gjithë sezonit, për t’
i ardhur në ndihmë pushtetit vendor për mbajtjen pastër të plazheve. Ky aktivitet, për herë të parë shtyrihet edhe gjatë sezonit dhe organizohet ne bashkepunim me Ministrinë e Turizmit, duke përfshirë jo vetëm pastrimin e plazheve por edhe monitorimin e tyre gjatë sezonit, për ti klasifikuar plazhet sipas cilësisë së higjenës publike.
Si destinacion turistik, Shëngjini është i frekuentuar, jo vetëm nga banorët e zonave përreth, por edhe nga ato Kosova. Ky plazh me rërë kurative, për fat të keq ndotet nga turistët dhe vizitorët. Shëngjini është ndër ato plazhe ku bashkia ka investuar për ndërtimin e infrastrukturës, duke vendosur kazanë në cdo 50 metra gjatësi, por shumë pushues preferojë t’i hedhin mbeturinat në mjedis public dhe jo në kosha.
Dhjetra pushues ndoqën aksionin, por nuk iu bashkuan thirrjes për të pastruar bashkë me vullnetarët. Gjithësesi ata pranuan qeset, në të cilat premtuan se do të hedhin mbeturinat para se të largohen nga plazhi.
Korpusi Shqiptar i Vullnetarëve, lëvizja më e madhe vullnetariste mjedisore në vend, për të 9-tin vit rradhazi do të vijojë javët e ardhshme pastrimin e zonave turistike dhe jo vetëm.
Related articles
More in this category
-
Mentor Kikia——- Mjafton ta lexosh me vëmendje letrën, që deputeti Spartak Braho, në cilësinë e kryetarit të komisonit parlamentar për sigurinë kombëtare, u ka dërguar krerëve më të lartë të...
