Votues, kërkoni më shumë vëmendje për mjedisin nga kandidatët

Jun 09, 2017 fml Kryesore 0

---

Në takimet elektorale, veç akuzave apo kritikave të partive për njëra- tjetrën, dëgjojmë premtime për rrugë e shkolla, ujësjellësa, vende pune, rritje pagash e pensionesh. Pavarësisht se sa realizohen këto premtime, kjo është një çështje tjetër, ajo që vihet re në takimet elektorale të partive është se mungojnë premtimet për çështjet e mjedisit. Kjo fushë konsiderohet ende një luks. Eshtë një gje e tepërt të flasësh për mjedisin, edhe pse mjedisi është fusha më e rëndësishme.

Forumi i Mendimit të Lirë, me mbështetjen e REC, po ndjek takimet elektorale të partive në Elbasan e Gramsh, duke kërkuar nga qytetarët që të kushtëzojnë votën e tyre edhe nga trajtimi i problemeve dhe projektet në fushën e mjedisit.

Ne ishim në Elbasan, në një takim me qytetarë dhe kandidatë të Partisë Socialiste. U kërkuam votuesve që të mos kërkojnë vetëm vende pune, por të kërkojmë më shumë vëmendje ndaj mjedisit. U kërkuam kandidatëve që të marrin në konsidertaë mjedisin e degraduar, ajrin e ndotur, ujin e ndotur, shkatërrrimin e pyjeve dhe lumenjve. U propozuam qytetarëve që të kërkojnë llogari për mbeturinat që nuk mblidhen. Kandidatët e PS në këtë qark, sollën në vëmendje investimin e qeverise për mbylljen e vendgrumbullimit të mbetjeve pranë qytetit dhe ndërtimin e impiantit të përpunimit të mbetjeve, investimi më i madh në vend në këtë fushë. Ata pranuan të përfhsijnë në projektet e tyre cdo propozim që do të vijë nga qytetarët për këto çështje.

Politikanët ndjehen me komodë të flasin për gjëra të mëdha si integrimi, reforma në drejtësi, vetting…. Por ndotja është armiku më i madh i jetës sonë.

Ndaj qytetarë, kudo që jeni, kërkoni më shumë vëmendeje për mjedisin nga ata që do të votoni së shpejti.

---