Forumi i Mendimit të Lirë Korpusi i Vullnetarëve çel fushatën e aksioneve të pastrimit të plazheve, në Spille largohen qindra thasë me mbeturina

Korpusi i Vullnetarëve çel fushatën e aksioneve të pastrimit të plazheve, në Spille largohen qindra thasë me mbeturina

Apr 06, 2019 fml Kryesore 0

Korpusi i Vullnetarëve çeli këtë të shtunë fushatën e pastrimit të plazheve, duke shënuar vitin e 11-të të aksioneve.

Sot me qindra vullnetarë të ardhur nga Tirana, pastruan plazhin e Spillesë, duke larguar prej brezit të rërës dhe pishave qindra thasë me mbeturina.

PER FOTO DHE VIDEO KLIKONI KETU

Në prag të çeljes së sezonit turistik veror, përveç largimit të mbeturinave prej kësaj zone turistike, brezi i rërës është krehur me krëhër duke hequr çdo mbetje nga siperfaqja.

Korpusi i Vullnetarëve u kërkoi bizneseve të zonës dhe plazhistëve që mbeturinat t’i hedhin nëpër kazanë dhe jo në rërë apo në parkun me pisha.

Aksioni i qindra vullnetarëve, të rinj dhe intelektualë, anëtarë të Korpusit te Vullnetareve, është i rradhës, si pjesë e një fushate që do të zgjasë gjithë sezonit, për t’i ardhur në ndihmë pushtetit vendor për mbajtjen pastër të plazheve.

Korpusi Shqiptar i Vullnetarëve, lëvizja më e madhe vullnetariste mjedisore në vend, për të 11-tin vit rradhazi do të vijojë javët e ardhshme pastrimin nga mbeturinat e zonave turistike dhe jo vetëm.

Misioni vazhdon! Bashkohu edhe ti me Korpusin Shqiptar të Vullnetarëve!