Parqet nuk mbahen pastër vetëm duke pastruar!
Parqet nuk mbahen pastër vetëm duke pastruar!
Punuam në fundjavë në parkun Kombëtar Divjakë-Karavasta.
Dhjetra vullnetarë të Korpusit të Vullnetarëve, sëbashku me drejtues dhe specialistë të parkut dhe Zonave të Mbrojtura të qarkut Fier, punuam për pastrimin e një zone të parkut natyror, që frekuentohet shumë nga vizitorët.
Falë punës së këtyre specialistëve, parku pastrohet në mënyrë të vazhdueshme. Por detyra e tyre nuk është pastrimi, por menaxhimi, kujdesi dhe mirëmbajtja e mjedisit natyror dhe jetës së egër në këtë park.
Puna e vullnetarëve shkon bashkë me apelin për frekuentuesit e parkut për të moë hedhur mbetje në natyrë.
Por, apeli shkon edhe për njësitë e shërbimit, që shpesh shkarkojnë aty mbeturinat që prodhojnë.
Hasëm në park pirgje me mbetje plastike, të hedhura pikërisht nga lokalet që funksionojnë në këtë zonë.
Falemindertit të gjithë vullnetarëve që vazhdojnë të japin kontributin e tyre, me punë, për të pastruar dhe sensibilizuar, qytetarët dhe pushtetin vendor e qëndror për mbajtjen pastër të mjedisit.
Faleminderit Raiffeisen Bank, që edhe këtë vit është me ne për të na mbështetur në këto punë të mrekullueshme për mjedisn dhe shoqërinë.
