Të përdorim gazetarinë sociale në mbrojtje të natyrës!
Të përdorim gazetarinë sociale në mbrojtje të natyrës!
Pas ngritjes së “Grupit të Alarmit”, si një strukturë rinore vullnetariste, për të bashkëpunuar në mbrojtjen e mjedisit natyror në Parkun Kombëtar Shebenic-Jabllanicë, nxënësit e që iu bashkuan këtij grupi u trajnuan për aplikimin e Gazetarisë e Telefonit, e njohur si MoJo(Mobile Journalism).
Ata morën mësime teorike dhe praktike nga gazetarët dhe pedagogët e gazetarisë Anisa Ymeri dhe Fatmir Popja, mbi mënyrën e filmimit të përshtatshëm për publikime në rrjetet sociale, shkarkimin dhe përdorimin e programeve të montazhit të figurës si dhe elementë të tjerë të produksionit audio-viziv përmes telefonit.
Të rinjtë janë pjesë e shkollës “Isak Alla” në Zgosht të Librazhdit. Ata do të bashkëpunojnë me projektin PAMACA, duke prodhuar dhe publikuar video të ndryshme promovuese të natyrës si dhe denoncuese në raste të dëmtimit të parkut natyror.
…………….
Ky aktivitet u organizua në kuadër të projektit “PAMANCA – Zonat e Mbrojtura kanë Rëndësi – Avokim për Ruajtjen e Natyrës në Shqipëri”, financuar nga Bashkimi Europian dhe zbatuar nga “Eco Albania”, në partneritet me “Respublika” dhe “Forumi i Mendimit të Lirë”.
