Komuniteti si partner për të mbrojtur mjedisin natyror!
Komuniteti si partner për të mbrojtur mjedisin natyror!
20 të rinj, nxënës në Shkollën e Mesme e Bashkuar “Nikollë Zogorjani” në Velipojë, iu bashkuan “Grupit të Alarmit”, një strukturë vullnetariste qytetare, për të bashkëpunuar në mbrojtjen e mjedisit natyror në Zonën e Mbrojtur Bunë – Velipojë.
Në takimin organizativ të “Grupit të Alarmit”, drejtues të Agjencisë së Zonave të Mbrojtura në Shkodër, i njohën të rinjtë me pasurinë e këtij parku, ku shtrihet edhe fshati i tyre, si lloji i bimësisë, kafshët dhe shpendët e egra që e popullojë këtë zonë. Por u diskutua edhe për rreziqet që e kanosin dhe nevoja për të bashkëpunuar në mbrojtjen e saj.
Përfaqësues të pushtetit vendor folën për rëndësinë e parkut edhe në aspektin ekonomik. “Parku është një destinacion i rëndësishëm turistik. Por turistët nuk janë thjeshtë kureshtarë, ata janë burim ekonomik pasi ata qëndrojnë në hotelet e zonës dhe gjenerojnë të ardhura”- tha administriatori i Njësisë Bashkiake Velipojë. Ndaj ai u bëri apel të rinjve që të bëhen partnerë të pushtetit dhe instituiconeve të tjera për ruajten e kësaj pasurie natyrore.
…………….
Ky aktivitet është pjesë e një fushate në kuadër të projektit “PAMANCA – Zonat e Mbrojtura kanë Rëndësi – Avokim për Ruajtjen e Natyrës në Shqipëri”, financuar nga Bashkimi Europian dhe zbatuar nga “Eco Albania”, në partneritet me “Respublika” dhe “Forumi i Mendimit të Lirë”.
