Korpusi i Vullnetarëve pastron nga mbeturinat plazhin e Tales
Në mesin e sezonit turistik pastrimi i plazheve dhe parqeve publike vazhdon të jetë në rend të ditës.
Ditën e dielë dhjetra aktivistë të Korpusit të Vullnetarëve, lëvizjes më të madhe mjedisore në vend, punuan në një aksion të koordinuar për pastrimin e disa kilometrave vijë bregdetare të plazhit të Tales në Lezhë.
Plazhi frekuentohet jo vetëm nga pushues nga Shqipëria, por edhe nga Kosova.
Leshterikë, mbetje bimësh ujore dhe degë pemësh të shkarkuara nga lumenjtë në det, mbetje metalike e plastike e sende të tjera, janë grumbulluar në qindra thasë.
Pushuesve iu ndanë qese, ku u ftuan të hedhin mbeturinat
Ky aktivitet, për herë të parë shtrihet edhe gjatë sezonit dhe organizohet në bashkëpunim me Ministrinë e Turizmit, duke përfshirë jo vetëm pastrimin e plazheve por edhe monitorimin e tyre gjatë sezonit, për t’i klasifikuar plazhet sipas cilësisë së higjienës publike.
Korpusi Shqiptar i Vullnetarëve, lëvizja më e madhe vullnetariste mjedisore në vend, për të 9-tin vit radhazi do të vijojë javët e ardhshme pastrimin e zonave turistike dhe jo vetëm.
Klikoni për të parë fotot: Këtu
Related articles
More in this category
-
Mentor Kikia——- Mjafton ta lexosh me vëmendje letrën, që deputeti Spartak Braho, në cilësinë e kryetarit të komisonit parlamentar për sigurinë kombëtare, u ka dërguar krerëve më të lartë të...
