Forumi i Mendimit të Lirë 10 vite Korpus i Vullnetarëve të Mjedisit, rinisin aksionet. Pastrohet nga mbeturinat plazhi i Shëngjinit

10 vite Korpus i Vullnetarëve të Mjedisit, rinisin aksionet. Pastrohet nga mbeturinat plazhi i Shëngjinit

Apr 15, 2018 fml Kryesore 0

Korpusi i Vullnetarëve të Mjedisit shënoi këtë vit 10-vjetorin e themelimit të tij.

Plazhi i Shëngjinit ishte destinacioni i parë për këtë vit, që çeli fushatën e pastrimit dhe sensibilizimit përmes punës së Korpusit të Vullnetarëve të Mjedisit.

Plazhi i Shëngjinit u pastrua ditën e djeshme në gjithë gjatësinë e tij. Ai nuk është thjeshtë pastruar, por është krehur me krëhër duke hequr çdo mbeturinë nga siperfaqja rënore dhe zona e pyllëzuar.

Dhjetëra vullnetarë, të rinj dhe intelektualë, anëtarë të Korpusit të Vullnetareve të Mjedisit, punuan të shtunën në plazhin e Shëngjinit.

Fushata do të zgjasë gjithë sezonin, për t’i ardhur në ndihmë pushtetit vendor për mbajtjen pastër të plazheve në vendin tonë.

Aktiviteti organizohet në bashkëpunim me Ministrinë e Turizmit.

Shëngjini turistik frekuentohet jo vetëm nga banorët e zonave përreth, por edhe nga ato Kosova. Por ky plazh me rërë kurative, për fat të keq ndotet nga turistët dhe vizitorët.

PER FOTO NGA AKSIONI KLIKONI: KETU

Ky plazh është ndër ato plazhe ku bashkia ka investuar për ndërtimin e infrastrukturës, duke vendosur kazanë në cdo 50 metra gjatësi, por shumë pushues preferojë t’i hedhin mbeturinat në mjedis publik dhe jo në kosha e kazanë për mbeturinat.

PER FOTO NGA AKSIONI KLIKONI: KETU

Edhe pse sezoni turistik ende nuk ka nisur zyrtarisht, dje ishin me dhjetra pushues që ndoqën aksionin.

PER FOTO NGA AKSIONI: KLIKONI: KETU

Shumë prej tyre e përshëndetën nismën e disa edhe iu bashkuan pastrimit të plazhit bashkë me vullnetarët. Të tjerë pranuan qeset, në të cilat premtuan se do të hedhin mbeturinat para se të largohen nga plazhi.

PER FOTO NGA AKSIONI KLIKONI: KETU

Korpusi i Vullnetarëve të Mjedisit është lëvizja më e madhe vullnetariste mjedisore në vend, e cila për të 10-tin vit rradhazi do të vijojë javët e ardhshme pastrimin e zonave turistike dhe jo vetëm.

PER FOTO NGA AKSIONI KLIKONI: KETU

PER VIDEO NGA AKSIONI KLIKONI: KETU