Forumi i Mendimit të Lirë Banorët e fshatit Bilaj kërkojnë urën: Pasi u dëmtua, e çmontuan dhe nuk e sollën më

Banorët e fshatit Bilaj kërkojnë urën: Pasi u dëmtua, e çmontuan dhe nuk e sollën më

Jul 01, 2018 fml Kryesore 0

Fshati Bilaj në Fushë Krujë, dhe disa fshatra të tjerë fqinj me të, rreth 300 familje, kanë gjashtë muaj që kanë mbetur të izoluar. Vërshimi i ujërave të lumit Zezë, dëmtoi një urë që ishte montuar aty 8 vjet më parë nga forcat e ushtrisë dhe që bënte lidhjen e këtyre fshatrave me autostradën Fushë Krujë- Lezhë. Pas dëmtimit, forcat e ushtrisë erdhën dhe e morën urën, duke mos e sjellë më.

PER VIDEO KLIKONI: KETU

Ata janë përpjekur të sajojnë vetë një urë, me trungje pemësh, por mjafton vetëm një vërshim i lehtë uji dhe ura mbulohet ose merret me vete nga uji. Pas denoncimit të vazhdueshëm të këtij problemi në media, banorët, me nxitjen dhe advokimin e organizatës Forumi i Mendimit të Lirë, po hartojnë një petiucion drejtuar kryetarit të bashkisë së Krujës dhe Ministrisë së Transporteve, për të kërkuar rivendosjen e urës.

PER VIDEO KLIKONI: KETU

Drejtues të organizatës, në kuadër të projektit “Nxitja dhe advokimi i banorëve për të kërkuar realizimin e premtimeve nga zyrtarët lokalë, biseduan me banorë të kësaj zone. Ata janë përfshirë tashmë në mbledhjen e firmave për peticionin dhe një përfaqësi prej tyre do të shkojnë tia dorëzojnë vetë kryetarit të bashkisë. Banorët, me mbështetjen e organizatës do të vazhdojnë reagimin dhe denoncimin e problemit në media, si dhe do të përdorin edhe forma të tjera të reagimit qytetar për të kërkuar ndërtimin e urës.

PER VIDEO KLIKONI: KETU